പ്രണയത്തിന്റെ കറുപ്പു

നിന്റെ കണ്ണിലെന്താ കറുപ്പ്?
അതു പ്രണയമാണു.
അപ്പൊ എനിക്ക് പ്രണയമില്ലേ?
നിന്റെ വെള്ളാരം കണ്ണുകള് മോഹിപ്പികുന്നു എന്നെ ഉള്ളൂ
മോഹം മാത്രമോ?
അതേ!
അതില് നീ പ്രണയത്തിന്റെ കറുപ്പു കലര്തിയതെന്തിനു?
പ്രണയത്തിന്റെ കറുപ്പു ഇരുട്ടുപോല് പടര്ന്നു കയറുന്നു
പ്രണയം ഇരുട്ടാണോ?
അതെ..വെളിച്ചത്തിലേക്കുള്ള ഇരുട്ട്…
സനാതനമായ ഇരുട്ട്
അന്ധകാരം... സുന്ദരം... പ്രണയ പൂര്‍ണ്ണം...

തവളകള്‍

തവളകള്‍ തവളകള്‍

മാക്കാച്ചി തവളകള്‍ പോക്കാച്ചി തവളകള്‍
വിടുവായന്‍ തവളകള്‍
ലത്തീന്‍ തവളകള്‍ സുറിയാനി തവളകള്‍
ഓര്ത്തഡോക്സ് തവളകള്‍ പ്രൊട്ടസ്റ്റന്റ് തവളകള്‍

തവളകള്‍ തവളകള്‍

മഞ്ഞത്തവളകള്‍ പച്ചത്തവളകള്‍
പുലയ തവളകള്‍ നായര്‍ തവളകള്‍
പട്ടിക തവളകള്‍ പിന്നാക്ക തവളകള്‍

തവളകള്‍ തവളകള്‍

കരത്തവളകള്‍ കടല്‍ തവളകള്‍
സുന്നി തവളകള്‍ സിയ തവളകള്‍
മുനാഫി തവളകള്‍ കാഫറു തവളകള്‍

തവളകള്‍ തവളകള്‍

എല്ലാത്തിനും ഒരേ രാഗം
ക്രോം ക്രോം ക്രോം

വിശപ്പിനിടയില്‍

റാസ് അല്‍ ഖെയ്മായില്‍ പോയ് വന്നിറങ്ങിയ ഉടന്‍ തന്നെ ഒരു ഹൊട്ടേല്‍ തപ്പി പിടിച്ചു എന്തെങ്കിലും തട്ടി വിടാം എന്നോര്ക്കുമ്പോ പിറകില്‍ നിന്നൊരു വിളി.

അളിയാ…നീയാരുന്നൊ ഇതു…ബസില്‍ വെച്ചേ എനിക്ക് ഡൌട്ട് അടിച്ചിരുന്നു… എന്താ ഇവിടെ?

എനിക്കിവിടെ ജോലി കിട്ടി…

എപ്പോ…

വന്നിട്ട് ഒരു മാസമായതേ ഉള്ളൂ…

എന്നിട്ടു നീ ഒരു വാക്കെന്നോടു പറഞ്ഞില്ലല്ലോ…

അതിനു നീ എന്റെ നമ്പര്‍ കണ്ടാല്‍ എടുക്കില്ലല്ലോ…

തിരക്കായതു കൊണ്ടാ അളിയാ…

ഒഃ..ഞാന്‍ കരുതി ജോലി വെല്ലതും ശെരിയായോന്നു ചോദിച്ചു വിളിക്കുവാന്നു വെച്ച് നീ എടുക്കാതിരുന്നതാണെന്നു…

ഇത്തവണ നാട്ടില്‍ വരുമ്പോ നിനക്കു പറ്റിയൊരു ജോലിയുമായിട്ടു വരാനിരുന്നതാ…ഇനി ഇപ്പൊ നിനക്കു ജോലി കിട്ടിയല്ലൊ…

കുഴപ്പമില്ല..എന്റെ കസിന്‍ ഒരുത്തനുണ്ട് അവനു പറ്റിയതാണേല്‍ നോക്കാമല്ലോ…

അതു ശെരിയാവോ…ഇതു നിന്റെ എക്സ്പീരിയെന്സും ക്വാളിഫിക്കാഷനുമൊക്കെ കാണിച്ചു ശെരിയാക്കിയതാ…

ഓ.. അങ്ങിനേ…

പിന്നെ ദുബ്ബായ് ലൈഫ് എങ്ങനെ ഒണ്ട്…

വലിയ കൊഴപ്പമൊന്നുമില്ല…

ജോലി ഒക്കെ

കൊള്ളാം...

ഭക്ഷണം

റൂമില്‍ ഉള്ളവര്‍ ഷെയര്‍ ഇട്ടു ഫൂഡ് ഒണ്ടാക്കുന്നുണ്ട്…

അപ്പൊ സൌകര്യമായല്ലൊ…

പക്ഷെ ഉച്ചക്കു വരുമെന്നു അവന്മാരോടു പറഞ്ഞിട്ടില്ല അതു കൊണ്ടു ഇപ്പൊഴത്തെ കാര്യം ഏതെങ്കിലും ഹോട്ടലീന്നു തരമാക്കണം

ഉവ്വാ.. ഞാനിവിടെ ഉള്ളപ്പോ നിനെ ഹോട്ടലീന്നു കഴിപ്പിക്കും.. നീ വാ.. നമ്മുക്കെന്റെ റുമില്‍ പോകാം...ഞങ്ങള്‍ക്കും കുക്കിങ് ഉണ്ട്…

അതു വേണ്ടടെയ്…ഇതൊരു നേരത്തേ കാര്യമല്ലേ ഉള്ളു..

അതൊന്നും പറഞ്ഞാല്‍ പറ്റില്ല. നീ വന്നേ ഒക്കൂ…

നിന്റെ വര്‍ക്ക് ഒക്കെ എങനേ പോകുന്നു?

വലിയ മെച്ചമൊന്നുമില്ല…മാന്ദ്യം ഒന്നു തള്ളി നീക്കണം അത്ര തന്നെ..

റൂമില്‍ ആരുമില്ലാന്നു തോന്നുന്നു…വെള്ളിയാഴ്ച്ച ആയതു കൊണ്ടു എല്ലാവന്മാരും കറങ്ങാന്‍ പോയിക്കാണും...അളിയനിരിക്ക് ഞാന്‍ ഭക്ഷണമെടുത്തു വെക്കാം

എന്തോന്നാ കഴിക്കാന്‍?

നോക്കട്ടെ…അളിയാ ചതി പറ്റി.

എന്ത്…(മനസ്സില്‍: കാലമാടാ)

ഞാന്‍ ഉച്ചക്കു വരുമെന്ന കാര്യവും പറഞ്ഞിരുന്നില്ല…ചോറു കലം കാലി…

സാരമില്ല..പുറത്തു നിന്നു കഴിക്കാം ..

അതു വേണ്ട..അളിയന്‍ ഒരരമണിക്കൂര്‍ ഇരുന്നാ, ഞാനിപ്പൊ ഉണ്ടാക്കം.

ഹും

അയ്യോ…

എന്താ അരിയില്ലേ…

എന്നു വെച്ചാല്‍ അവന്മാര്‍ ഇന്നു ഷോപ്പിങ്ങിനു പോയതാണോന്നൊരു ഡൌബ്ട്…

മരത്തലയാ…ദുഷ്ടാ…വെശന്നു കുടലുകരിയുന്ന നേരത്താണൊ നിന്റെ ഒടുക്കത്തെ സംശയം...

നീ ഒരു കാര്യം ചെയ്യ് ഒരു 5 റുപ്യ തന്നെ…നൂഡില്‍സ് ഒണ്ടാക്കാം...

വങ്ങുന്നതൊക്കെ കൊള്ളാം പെട്ടെന്നു വേണം

ഒരു രണ്ടു മിനിറ്റ്…

ഹും

ഈ പണ്ടാര സ്റ്റൌവ് കത്തുന്നില്ലല്ലോ അളിയാ…

എവിടേ നൊക്ക്ക്കട്ടെ…

ഗ്യാസ്‌ തുറന്നു വെച്ചിട്ടും മണമൊന്നും വരുന്നില്ലല്ലോ…

കുറ്റിയുടെ അകത്തു എന്തെങ്കിലും ഒണ്ടായാലല്ലെ മണം വരൂ…

അളിയനിങ്ങനേ കലിപ്പിച്ചു നോക്കല്ലെ…

ബ്ളഡി നത്തോലി…നീയാ നൂഡില്സിന്റെ കാശു കൂടെ തൊലച്ചല്ലോട മരമാക്രീ…ഞാന്‍ പോകുവാ…ഹോട്ടലുകള്‍ അടച്ചോ ആവോ?

അളിയാ ഞാനും വരുന്നു…

വേണ്ടാ…ഞാന്‍ തനിയേ പൊയ്ക്കോളാം..

അതല്ലളിയാ എന്റെ അടുത്തു പത്തു പൈസ ഇല്ലാ… ഈ വെശപ്പു എന്നു പറയുന്ന സാധനം എനിക്കുമുണ്ടല്ലൊ…

ഹോ ഒരു കാര്യത്തില്‍ എനിക്കു സന്തോഷമായെടാ പോത്തേ… ദുബ്ബായിലെത്തിയിട്ടും നിന്റെ എച്ചിത്തരത്തിനും ഓസിനും യാതൊരു മാറ്റവുമില്ലല്ലോ.. സന്തോഷം... ഹോട്ടലൊന്നും അടച്ചു പോകല്ലെ കര്ത്താവേ…

വകുപ്പു ലോട്ടറികള്‍

നമ്മുക്കുചുറ്റും ഭാഗ്യം നിന്നു തിരിയുവാ. ലോട്ടറികള്‍. ലോട്ടറികളെ നിങ്ങള്‍ ഇല്ലായിരുന്നെങ്കില്‍ സുന്ദരസ്വപ്നങ്ങള്‍ക്കൊരു സുഖവുമുണ്ടാകില്ലായിരുന്നു. പണം കയ്യില്‍ ഇല്ലായെങ്കിലും പോക്കറ്റില്‍ കിടക്കുന്ന ലോട്ടറിയെ ഓര്‍ത്ത് മനക്കോട്ട കെട്ടുമ്പോള്‍ ഒരു സുഖമൊക്കെയുണ്ട്. ആ സുഖം വര്‍ദ്ധിപ്പിക്കുകയാണു സര്‍ക്കാരിലെ വിവിധ വകുപ്പുകള്‍. എന്റെ ഓര്മ്മ ശെരിയാണെങ്കില്‍ രണ്ടായിരത്തിയാറില്‍ കായികവകുപ്പാണു വകുപ്പു ലോട്ടറിക്കു തുടക്കം കുറിക്കുന്നത്. തദ്ദേശീയരായ പെരിയാര്‍, മാവേലി, സൌഭാഗ്യ, വിദ്ദേശീയരായ സിക്കിം സൂപ്പര്‍, ഡീലക്സ് തുടങ്ങിയ ഭാഗ്യദേവതകള്‍ ലക്ഷങ്ങള്‍ കാണിച്ചു മാടി വിളിക്കുമ്പൊഴാ 2 കോടിയുടെ സ്വപ്നവുമായി കായിക വകുപ്പു വരുന്നത്. അഴീക്കോടു പറഞ്ഞപോലേ രണ്ടു കോടി സ്വപ്നം കാണത്തക്ക വിധം നമ്മുടെ ജീവിതം ഉയര്‍ന്നു.

സഹകരണവകുപ്പാണു പിന്നീട് രംഗത്തു വരുന്നത്; നവരത്നങ്ങളുടെ ഭാഗ്യവുമായി വീണ്ടും രണ്ടു കോടി. എന്തായാലും സംഗതി വിജയിച്ച മട്ടാണു. അതുകൊണ്ടു തന്നെയാവും സാംസ്കാരിക വകുപ്പും ലോട്ടറി ഇറക്കുന്നത്. അവശകലാകാരന്മാരെ സഹായിക്കുക എന്ന സദുദ്ദേശവുമായി. ദോഷം പറയരുതല്ലോ. അവശകലാകാരന്മാരോടായി നമ്മുടെ സ്നേഹം വര്‍ദ്ധിച്ച് കൊണ്ടിരിക്കയാണു. അമ്മയുടെ 20-20 മുതല്‍ ബമ്പര്‍ ലോട്ടറി വരെ. 20-20യുടെ കാര്യം പറഞ്ഞപ്പോഴാണ്‍ സര്‍ക്കാരിന്റെ പുതിയ ലോട്ടറി 20-50 ഓര്‍മ്മവന്നത്. സംഗതി കൊള്ളാം കേട്ടൊ. 10നു 10, 30 നു മുപ്പത് എന്നത് മാറ്റിപ്പിടിച്ച് 20 രൂപയ്ക്ക് അന്പത് ലക്ഷം.

നമ്മുക്ക് വകുപ്പു ലോട്ടറിയിലേക്ക് മടങ്ങി വരാം. ഈ ലോട്ടറികള്‍ വകുപ്പുകള്‍ക്ക് കാര്യമായ സാമ്പത്തീക നേട്ടം ഉണ്ടാക്കിക്കൊടുക്കുന്നുണ്ട് എന്നാണു എന്റെ വിശ്വാസം. അങ്ങിനെയാണെങ്കില്‍ ബാലന്‍ മൂപ്പരു ഒരു അരക്കൈ നോക്കുന്നത് നന്നായിരിക്കും. പിന്നോക്ക വിഭാഗങ്ങളുടെ വികസനത്തിനും വൈദ്യുത് ബോഡിലും ഒരേ പോലെ ലോട്ടറി ഇറക്കാവുന്നതാണു. അവസാനിക്കുന്ന സാമ്പത്തീക വര്‍ഷത്തേടടക്കം ബോഡ് അനുമാനിക്കുന്ന നഷ്ടം എകദ്ദേശം 2500 കോടി രൂപാ വരും. ഇതു മുഴുവനായിക്കിട്ടിയില്ലെങ്കിലും കുറച്ചൊക്കെ പിടിക്കാം. വൈദ്യുത ബില്ലടക്കുന്നവര്ക്ക് ഒരു ആവേശവുമാകും. ചാര്ഗ് വര്ധനയ്ക്ക് ഒരു സാന്ത്വനഭാവവും കൊണ്ടു വരാം. ഭാഗ്യമുള്ള ഉപഭോക്താക്കള്‍ക്ക് കോടിപതിയൊ ലക്ഷാധിപതിയോ ആകാം. ഒരു തരം പശു-കാക്ക മ്യൂച്വല്‍ അണ്ടര്‍സ്റ്റാന്ഡിങ്..ബാലന്‍ സഖാവ് ഒരു കൈ നോക്കുന്നോ.

നേര്‍ച്ചക്കുറ്റിക്കു മുന്നില്‍ വണ്ടി പാര്‍ക്ക് ചെയ്യരുത്

ദേവാലയങ്ങള്‍ എന്തിനുള്ളതാകുന്നു? കാശു വാരാനും എന്നാല്‍ പറയാന്‍ കൊള്ളാവുന്നതുമായ ഏരിയ ഇതല്ലാതേ മറ്റെന്തുണ്ട്. അതു കൊണ്ടാണു ഇത്തരം വാണിങ്ങുകള്‍ അഥവാ 'നേര്‍ച്ചക്കുറ്റിക്കു മുന്നില്‍ വണ്ടി പാര്‍ക്ക് ചെയ്യരുത്', എന്ന നിര്‍ദ്ദേശങ്ങ്ങള്‍ ബഹുമാനപ്പെട്ട ഭക്തജനങ്ങള്‍ക്കു കിട്ടുന്നത്. ദൈവം മറഞ്നിരുന്നാലും നേര്ച്ചക്കുറ്റി മറയരുത് എന്നത് വെറുമൊരു ഭക്തനായ എനിക്ക് സന്തോഷം തരുന്നു. ദൈവത്തെ മറച്ചു വെച്ചുള്ള നേര്ച്ചക്കുറ്റികളുടെ പ്രദര്ശനം എന്നെ ആവേശം കൊള്ളിക്കുന്നു. ചാട്ടയും ഉലക്കയുമൊക്കെ എടുത്തു വീശാന്‍ യേശുവോ, നബിയോ, അവതാരങ്ങളോ വരില്ല എന്നതിനാല്‍ ഇതരം ബോര്ഡുകള്‍ കാലാന്തരത്തോളം നിലനില്ക്കട്ടെ എന്നു പ്രാര്‍ത്ഥിക്കുകയും ചെയ്യുന്നു.

പണ്ടൊക്കെ കുര്‍ബ്ബാനയ്ക്ക് പോകുമ്പോള്‍ ഡാഡി ഒരു രൂപാ തരും. അതു നേര്ച്ചകുറ്റിയിലിടാനുള്ളതാണു. അതു കൊണ്ടെനിക്കെന്തു കിട്ടും? പ. ഖുര്‍ ആന്‍ പറയുന്നു, 'ദാനധര്മ്മം ആപത്തില്‍ നിന്നു രക്ഷിക്കും' എന്നു. കൊള്ളാം നല്ലതു തന്നെ, അതിനാല്‍ ക്രിസ്ത്യാനി ആണെങ്കിലും മോസ്കിനു മുന്നിലുള്ള നേര്ച്ച്ക്കുറ്റികളിലും ഞാന്‍ പണ്ട് കാശിടുമായ്രുന്നു. അതൊക്കെ നേരിട്ടു ദൈവത്തിന്റെ കയിലെത്തുമെന്നും ദൈവം ആ കാശ് വേഷം മാറി നടന്നു കാശില്ലാത്തവര്ക്കു കൊടുക്കുമെന്നൊക്കെയായിരു എന്റെ പിള്ള ബുദ്ധിയില്‍ തോന്നിയിരുന്നത്.

ദേവാലയങ്ങള്ക്ക് അങ്ങിനെ ഒരു കാലമുണ്ടായിരിക്കണം. വിശ്വാസികളില്‍ നിന്നു ലഭിക്കുന്ന തുച്ഛമായ വരുമാനം കൊണ്ട് നിലനിന്നു പോകുക എന്നത്. പക്ഷേ ഇന്നൊ? ഇന്നു ഒരോ മത വിഭാഗങ്ങള്ക്കും വരുമാനമുണ്ടക്കിത്തരുന്ന, എന്നു മാത്രമല്ല കൊള്ളവരുമാനമുണ്ടാകിത്തരുന്ന എത്ര സ്വാശ്ര്യ കോളേജുകളും, സ്ഥാപനങ്ങളും, ഷോപ്പിങ് കോമ്പ്ലെക്സുകളും, സ്വകാര്യ ആശുപത്രികളും ഉണ്ട്. തന്ത്രിമാര്ക്ക് ലക്ഷ്ങ്ങള്‍ ശമ്പളം നല്കാന്‍ പ്രാപ്തമാണവ,ഒരു രൂപത മൊത്തം വിലക്കുവാങ്ങാന്‍ പ്രാപ്തമാണവ, യത്തീമുകളെ അത്യന്താധുനിക സൌകര്യങ്ങളില്‍ വളര്‍ത്താന്‍ പ്രാപ്തമാണവ. പക്ഷേ നേച്ചക്കുറ്റികളിന്നും ദേവാലയങ്ങള്ക്ക് കാവല്‍ നില്ക്കുന്നു. അതില്‍ കാശും വീഴുന്നു. വീഴന്‍ ബുദ്ധിമുട്ടുണ്ടാക്കി പാര്ക്ക് ചെയ്യുന്ന വാഹനങ്ങളെ തള്ളി നീക്കുന്നു. ആ വാഹനങ്ങള്‍ ദൈവത്തെ മറഞ്ഞു നില്ക്കുകയും നേര്ച്ചക്കുറ്റികള്‍ തെലിഞ്ഞു നില്ക്കുകയും ചെയ്യുന്നു.

കാലാകാലങ്ങളായി ദേവലയങ്ങള്‍ അതു തന്നെയാണു ചെയ്യുന്നത്, ഒരു കൈ കൊണ്ട് ദൈവത്തെ മറച്ചു പിടിക്കുകയും മറുകൈ കൊണ്ട് കാശു വാരുകയും ചെയ്യുന്നു. ആ കൈ എന്റെ പോക്കറ്റിലും വീഴുന്നല്ലോ കര്‍താവേ.