പുകവലിക്കാത്തവരുടെ ശ്രദ്ധയ്ക്ക്…

പുകവലിക്കില്ല എന്നതു കൊണ്ടു, പുകയിലയില്‍ നിന്നും അതിന്റെ പാര്‍ശ്വഫലങ്ങളില്‍ നിന്നും രക്ഷപെട്ടിരിക്കുകയാണു എന്നു കരുതല്ലേ.നിങ്ങളുടെ സാന്നിധ്യത്തില്‍ നിങ്ങളുടെ ബന്ധുക്കളോ സ്ഥിരമായി പുകവലിക്കാറുണ്ടൊ? എങ്കില്‍ നിങ്ങളും പുകയിലയുടെ വേട്ട മൃഗമാണു. ആരോഗ്യശാസ്ത്രം ഇതിനെ പരോക്ഷ ധൂമപാനം (Passive Smoking) എന്നു വിളിക്കുന്നു. മനപ്പൂര്‍വമല്ലാത്ത ഈ പുകവലിയെ പരിസര പുകവലിപ്പുക (Environmental Tobacco Smoke - ETS) എന്നും SecondHand Smoke (SHS) എന്നും വിളിക്കാറുണ്ട്.
എന്തൊക്കെയായാലും സംഗതി ഗുരുതരമായ അവസ്ഥയാണു. പുകവലിക്കുന്നവര്‍ക്ക് തുല്യമോ, അതിനേക്കാള്‍ കൂടുതലോ ആയി പരോക്ഷധൂമപാനം പുകവലിക്കാരുടെ ആരോഗ്യത്തെ ബാധിക്കുന്നുണ്ട് എന്നു പഠനങ്ങള്‍ തെളിയിക്കുന്നു. പരോക്ഷ പുകവലിക്കാര്‍ക്ക്, പുകയില കേതുവായ, രോഗങ്ങളും വൈകല്യങ്ങളും, മൃത്യുവും സംഭവിക്കുന്നതായി, ഈ പഠനങ്ങള്‍ കണ്ടെത്തിയിട്ടുണ്ട്.
പ്രധാനമായും ഇതു കുട്ടികളെയാണു ബാധിക്കുന്നതു. 1980 മുതലിങ്ങോട്ടുള്ള നിരീക്ഷണങ്ങളില്‍ പുകവലിക്കുന്ന അച്ഛനമ്മമാരുള്ള മക്കള്ക്ക്, ആത്സ്മ, അതുമായി ബന്ധപ്പെട്ടിട്ടുള്ള അസുഖങ്ങള്‍ എന്നിവ പുകവലിക്കത്തവരുടെ മക്കളേക്കാള്‍ 28% കൂടുതല്‍ ആണു എന്നു വെളിവായിട്ടുണ്ട്.ഇത്തരം കുട്ടികളുടെ ശ്വാസകോശത്തിന്റെ വികസനം സമപ്രായക്കരും തുല്യ ലിംഗത്തിലുമുള്ള കുട്ടികളുടേതിനേക്കാള്‍ മന്ദഗതിയിലായിരിക്കും. മാത്രമല്ല, ഇവരില്‍ ഭാരക്കുറവ്, ശ്വാസകോശരോഗങ്ങല്‍, ചുമ, കേഴ്വിക്കുറവ്, തുമ്മല്‍, മൂക്കൊലിപ്പ്, കണ്ണുകളില്‍ പുകച്ചില്‍, ശ്വാസം മുട്ടല്‍, കുറുങ്ങല്‍, കഫക്കെട്ട് തുടങ്ങിയ രോഗങ്ങള്‍ താരതമ്യേന കൂടുതല്‍ ആയിരിക്കും. കൂടാതെ, പുകവലിക്കുന്നവരുടെ മക്കള്‍ പുകവലിക്ക് അടിമയായി തീരുന്ന പരവണത പുകവലിക്കാത്തവരുടെ മക്കളേക്കാള്‍ 68% കൂടുതല്‍ ആണു.
പുകവലിക്കുന്നവരുടെ പുകവലിക്കാത്ത പങ്കാളികളില്‍ പക്ഷാഘാത(stroke)ത്തിനുള്ള സാധ്യത വളരെക്കൂടുതലാണെന്നതാണ്‌ പുതിയ പഠനഫലം. അതായത്‌ സ്‌ത്രീകളാണ്‌ ഈ ആരോഗ്യപ്രശ്‌നത്തിന്‌ അടുത്ത ഇരകളാകുന്നതെന്ന്‌ ചുരുക്കം. ഹാര്‍വാര്‍ഡ്‌ യൂണിവേഴ്‌സിറ്റിയിലെ ഒരു ഗവേഷകസംഘമാണ്‌ ഇതുസംബന്ധിച്ച പഠനം നടത്തിയത്‌. 16,000ത്തില്‍പ്പരം ആളുകളുടെ ആരോഗ്യ റിപ്പോര്‍ട്ടുകള്‍ പഠനവിധേയമാക്കിയാണ്‌ ഗവേഷകര്‍ ഇക്കാര്യം കണ്ടെത്തിയത്‌. പുകവലിക്കുന്നവരില്‍ പക്ഷാഘാതം വളരെ സാധാരണമായി കാണപ്പെടുന്ന ഒരു പ്രശ്‌നമാണ്‌. പുകവലിക്കാത്തവരില്‍ പക്ഷാഘാതമുണ്ടാകാനുള്ള സാധ്യത 42ശതമാനവും, പുകവലിക്കാരായ പങ്കാളികള്‍ക്കൊപ്പം ജീവിക്കുന്നവരില്‍ പക്ഷാഘാതമുണ്ടാകാനുള്ള സാധ്യത 72 ശതമാനവുമാണ്. ജീവിതത്തില്‍ ഒരിക്കല്‍പോലും പുകവലിക്കാത്ത, പുകവലിക്കാരന്റെ (ക്കാരിയുടെ) പങ്കാളിക്കു, ശ്വാസകോശാര്‍ബുധം വരാനുള്ള മാരകമായ സാധ്യത 20-30 %-ും, സ്തനാര്‍ബുധസാധത 70 %വും ആണു. 16-17 % വരെ ഉള്ള ശ്വാസകോശാര്‍ബുധങ്ങള്‍ സഹപ്രവര്ത്തകന്റെയോ സുഹൃത്തുക്കളുടേയോ, പുകവലിയില്‍ നിന്നും നിദാനമായതാണു.
പരോക്ഷ ധൂമപാനത്തിന്റെ മറ്റ് ആരോഗ്യപ്രശ്നങ്ങള്‍
രക്തചംക്രമണ വ്യവസ്ത: ഹൃദ്രോഗം, ഹൃദയാഘാതം, രക്തസമ്മര്‍ദ്ദം, ഹൃദമമിടിപ്പ് കുറയുക എന്നിവയ്ക്ക് കാരണമാകുന്നു.
ശ്വസന പ്രക്രിയ: ആത്സ്മ, ശ്വാസകോശത്തിന്റെ വളര്‍ച്ച മുരടിപ്പ്, അര്‍ബുദം എന്നിവ ഉളവാക്കുന്നു.
ഗര്‍ഭിണികള്‍: അകാല പ്രസവം
പൊതുവായി: ആസ്ത്മ, അലര്ജി, എന്നിവ ഗുരുതരമായ അവസ്ഥയില്‍ എത്തുന്നു.
കുട്ടികളില്‍:
ശിശുമരണം (sudden infant death syndrome (SIDS))
ആത്സ്മയുടെ ആരംഭം
ന്യുമോണിയ, ശ്വാസകോശാനുബാധ, ബ്രോങ്കെറ്റിസ്, ബാലക്ഷയം എന്നിവ പിടിപെടാനുള്ള ഉയര്‍ന്ന സാധ്യത
പഠന വൈകല്യങ്ങള്‍, വളര്‍ച്ചാ മുരടിപ്പ്
വിചിത്രമായ ഒരു സത്യം, പുകവലിക്കുന്നവരുടെ ശരീരത്തില്‍ 16% മാത്രം നിക്കോട്ടിനും കാര്‍ബണ്‍ മോണോക്സൈഡും കടന്നു ചെല്ലുമ്പൊള്‍ അടുത്തു നില്‍ക്കുന്ന പുകവലിക്കാത്തയാളുടെ ശരീരത്തില്‍ 40% ത്തോളം ആഗീരണം ചെയ്യപ്പെടുന്നു എന്നതാണു. പരോക്ഷധൂമപാനം മൂലം ഒരു വര്‍ഷം 56,000 പേര്‍ അമ്മേരിക്കയില്‍ മരിക്കുന്നു.
അതു കൊണ്ട്,
പുകവലിക്കുന്നവര്‍ ദയവായി, പൊതുസ്ഥലങ്ങളില്‍ നിന്നു പുകവലിക്കുന്നതു ഒഴിവാക്കുക.
പുകവലിക്കാത്തവര്‍ ഇത്തരം പ്രവണതകളെ, സധൈര്യം നിരുത്സാഹപ്പെറ്റുത്തുക.
വീടിനകത്തൊ, ഓഫീസിനകത്തോ പുകവലിക്കാതിരിക്കുക.
കുട്ടികള്‍ അടുത്തുള്ളപ്പോള്‍ പുകവലിക്കാതിരിക്കുക.
പുകവലിക്കുന്നവര്‍ ദയവായി, പുകവലിക്കാത്തവരെ ബുദ്ധിമുട്ടിക്കാതിരിക്കുക.
എന്തൊക്കെ സംഭവിചചലും ഞാന്‍ വലിക്കും എന്നു വിചാരിക്കുന്നവരെ, സൌകര്യപൂര്‍വ്വം ഒഴിവാക്കുക.